سی پیک ڈٹ آتا پوروی کن داسہ ننے چین آن اِرا گامون آ ہنوئی مریک، احسن اقبال

اسلام آباد۔ 07 مئی (اے پی پی) بنجائی وزیر ڈٹ بندی شونداری و خصوصی گام گیج احسن اقبال پارینے کہ سی پیک ڈٹ آتا پوروی کن داسہ ننے چین آن اِرا گام مون آ ہنوئی مریک، ننے ڈیہہ اٹی تینا جغرافیائی مرکزیت ءِ وارخواہی تیٹی بدل کننگ کن پبی ڈٹ بندی کروئی مریک، علاقائی کمک، تینا و رابطہ غاتا بابت پاکستان ڈیہہ اٹی اہم انگا ملک ءِ۔ داخیال آتا درشانی ءِ او سے شنبے نادے آ دورہ ءِ چین نا بابت  جاچ دیوان ناکماشی ءِ کرسا کرے۔ دیوان اٹی بنجائی وزیر ءِ چندی وزارت آتا بابت دورہ ءِ چین اٹی پیش کروک آ ڈٹ آتیاسرجمی اٹ حوال تننگا۔ دیوان اٹی سیکرٹری ریلوائی، سیکرٹری این ایچ اے ، ایڈیشنل سیکرٹری پاور و وزارت ڈٹ بندی نا بڑزکو کمامدارآک ساڑی ئسر۔ بنجائی وزیر پارے کہ سی پیک فیز 2 انا پیش رفت ءِ پک کننگ دورہ ءِ چین نا اہم ایجنڈامریک۔ سی پیک ڈٹ آتا پوروی کن داسہ ننے چین آن اِرا گام مون آ ہنوئی مریک۔ اوپارے کہ دورہ ءِ چین آ ایم ایل ون اسہ اہم ایجنڈااس مریک، ایم ایل ون یک و نیم سال متکن ٹریک ءِ و اگہ داسہ داڑآ کاریم نابناءِ کننگتو تو خوانخواستہ نن پین شکست آتا گواچی مننگ کینہ۔ احسن اقبال پارے کہ ایم ایل ون آ ننا مواصلات و واپار نا بشخ آتیکن المی ءِ، چین اسہ پیدوار وژن و روڈمیپ اسے تون شون ہلک۔ اوپارے کہ ملکی شونداری کن ننے ہم اسہ وژن اسے ہلسا چلینگوئی مریک، علاقائی کمک، تینا و رابطہ غاتا بابت پاکستان ڈیہہ اٹی اہم انگا ملک ءِ۔ بنجائی وزیر پارے کہ ننے ڈیہہ اٹی تینا جغرافیائی مرکزیت ءِ وارخواہی تیٹی بدل کننگ کن پبی ڈٹ بندی کروئی مریک۔