متحدہ عرب امارات قطبی غزہ ٹی 400 ٹن غذائی امداد گدریفے

ابوظہبی ۔ 06 مئی (اے پی پی) متحدہ عرب امارات قطبی غزہ ٹی 400 ٹن غذائی امداد  گدریفے، ہرا اسہ لکھ 20 ہزار بندغ آتیکن گنج اسے ءُ۔ اردو نیوز نا رداٹ اماراتی وزیر مملکت جہانی کمکار ریم الہاشمی پارے کہ امارات نا کنڈآن غزہ نا پٹی خاص وڑاٹ قطبی علاقہ ٹی غذائی امداد نا رکھ و سرسہب فراوانی و بشخنگ نا عمل اٹی ودکی کن اہم ءِ۔ اوپارے کہ نن ایلم فلسطینی الس تون یکجہتی و مصیبت آتا چٹفنگ نا بابت تینا موقف آ سلوک اُن۔ متحدہ عرب امارات دا امداد امریکن نیئر ایسٹ ریفیوجی ایڈ(انیرا) نا شریداری اتون فراوان کرینے۔ 12 ٹرک آتیا تالان دا قافلہ ٹی 264 ٹن آن زیات کمکی گڑا، بشمول خور ، دیر واِلار اوار ءُ۔ آپریشن شیولرزنائٹ 3 نا رداٹ غزہ ٹی داخل مروک  آ کمکی ٹرک آتا کل کچ 440 اسکان سرمسنے۔ ہراڑآن غزہ ناالس نا شدید مشکل آتے کم کننگ و اوفتا بنداوی گرج آتے پورو کننگ اٹ کمک رسینگک۔