کوئٹہ۔ 06 مئی (اے پی پی) پاکستان پیپلزپارٹی نا صوبائی سیکرٹری حوالکاری سردار سربلند خان جوگیزئی صدر مملکت آصف علی زرداری نا دورہ ءِ کوئٹہ نا ستاءِ کرسا پارینے کہ صدر مملکت آصف علی زرداری نا دورہ ءِ بلوچستان نا الس قدر انا نظر اٹ ہرک ، صدر مملکت نا دا دورہ غان دوررس نتیجہ دوئی مریک۔ دوشنبے نادے آ تینا بیان اٹی سردار سربلند خان پارینے کہ صدر مملکت نا دورہ ستاکڑزوک و شونداری نا پوسکن آ دور انا بناءِ، پیپلزپارٹی نا سرکڑدہ غاک مدام بلوچستان نا شونداری و شونہالی ءِ الیت تسنو۔ اوپارے کہ صدر مملکت تینا تدوک آ دورہ غانبار اسہ وارولدا بلوچستان نا شونہالی نا بنداو ءِ تخنگ کن بننگ ءِ، زوت بلوچستان نا الس مثبت بدلی و شونداری نا آثار آتے محسوس کیک۔
