کوئٹہ۔ 06مئی (اے پی پی) ڈپٹی اسپیکر بلوچستان اسمبلی و پیپلزپارٹی زالبول ونگ انا صدر غزالہ گولہ، جنرل سیکرٹری زرینہ زہری ئسک صدر مملکت آصف علی زرداری نا دورہ ءِ کوئٹہ نا ستاءِ کرسا پارینو کہ صدر آصف علی زرداری نا دورہ ءِ بلوچستان نا صوبہ نا سیاسی و زرگزرانی حالیت آتیا مثبت اثر تمک۔ داڑے جاری مروک اسہ بیان اسے ٹی اوفک پاریرکہ صدر آصف علی زرداری نا بحیثیت صدر مملکت پاکستان بلوچستان نا اولیکو سرکاری دورہ غا بخیر اٹ پانہ و اومیت کینہ کہ صدر مملکت آصف علی زرداری صوبہ نا ویل آتا ایسری نا بابت تینا مثبت کڑد ءِ ادا کیک۔ اوپارے کہ داکان مست آصف علی زرداری ہراتم اولیکو وار صدر مملکت جوڑ مس تو او نئے بیرہ چنکا صوبہ غاتے وتواجہی تس بلکن بلوچستان نا بے روزگار ورناتیکن آغاز حقوق بلوچستان پیکج نا پڑو ءِ کرے ہراڑآن ہزار آ خوانوک آ ورناتے روزگار نا وارخواہی دُوبس۔ اواومیت ظاہر کرے کہ صدر مملکت آصف علی زرداری دورہ ءِ بلوچستان اٹی صوبہ کن اہم پڑو آتے کیک۔
