اسلام آباد۔ 06 مئی (اے پی پی) بنجائی وزیر واپار جام کمال خان پارینے کہ پاکستان و سعودی عرب نا نیام اٹ پت انا رشتہ ءِ، حکومت پیشن نا زرکارآتے آسراتی فراوان کیک۔ داخیال آتا درشانی ءِ او دوشنبے نادے آبنجائی وزیر آتون اوار سعودی زرکارآتا ڈل اتون اوڑدہی آن پد اسیجائی پریس کانفرنس اٹی کرے۔ بنجائی وزیر واپار پارے کہ دنیا ٹی زرگزران ءِ اہمیت دوئی ءِ۔ ساڑی دور اٹی زرگزران خارجہ پالیسی نا بنداو و قوم تے سوگوی ایتک۔ اوپارے کہ پاکستان و سعودی عرب نا نیام اٹ پت انا رشتہ ءِ۔ حکومت پیشن نا زرکارآتے آسراتی فراوان کیک۔ جام کمال پارے کہ سعودی عرب نا پوریاگر آک پاکستان نا زرگزران اٹ بھاز است خواہی ہلنگ ءُ کیہی سعودی زرکارآک نجی حیثیت اٹ ہم پاکستان آ رسینگانو۔ اوپارے کہ پاکستان نا شونداری ٹی پوریاگر برادری ءِ اہم کڑد اس ادا کروئی مریک۔ اوپارے کہ بزنس سیکٹر ءِ مون آ دننگ وزیراعظم نا وژن ءِ۔ دنیا ٹی زرگزران ءِ اہمیت دوئی ءِ، ساڑی دور اٹی زرگزران خارجہ پالیسی نا بنداو و وقوم تے سوگوی ایتک۔ پاکستان وسعودی عرب نا نیام اٹ پت انا رشتہ ءِ۔ اوپارے کہ حکومت پیشن نا زرکارآتے آسراتی فراوان کیک۔ اوپارے کہ سعودی کاروباری ڈل آن پد پاکستانی پوریاگر آتا ڈل ہم سعودی عرب نا دورہ ءِ کیک۔ بنجائی وزیر واپار پارے کہ پاکستان نا 125 کمپنی سعودی زرکارآتون مذاکرات کننگ اٹی ءُ، کشت وکشار و انفاریشن ٹیکنالوجی نا بشخ اٹی خاص چکار کننگ انگ ءِ۔ اوپارے کہ سعودی کاروباری بند غ آتا بننگ آن کاروبار نا پوسکن ءُ وارخواہی ودی مریک۔ جام کمال پارے کہ 35 آن زیات سعودی کمپنیک دانگیا بسنوو اوفتے تون مذاکرات کننگ انگ ءِ۔ اوپارےکہ حکومت نا مسخت بزنس سیکٹر نا شونداری و کاروباری پنجر ءِ پائیدار کننگ ءِ۔ اوپارے کہ حکومت بیرہ اِراتُو انا گونڈ مد اٹی کاروبار ءِ آسان کننگ کن بھاز انگا اصلاحات کرینے۔ وزیراعظم تینا ٹیم اتون اوار دے و نن کاریم کننگ اٹی ءِ و پاکستان نا اقتصادی حالیتءِ گچین کننگ غٹ وسیلہ غاتے کاریم اٹ اتنگ انگ ءِ۔
