کوئٹہ۔ 06 مئی (اے پی پی) گورنر بلوچستان شیخ جعفر خان مندوخیل پارینے کہ بنجا و صوبہ نا نیام اٹ پول انا کڑد ءِ اداکیوہ، گوادر اٹی باڑ خلنگ اٹ ہچ ءُ حرج اس اف۔ داخیال آتا درشانی ءِ او گورنر ہاؤس اٹی سوغندی دود آن پد میڈیا تون گپ وتران کرساکرے۔ گورنر بلوچستان پارے کہ او بلوچستان نا ویل آتے ایسر کننگ کن پبی کوشست کیک و دا بابت بنجاتون ہم گپ وتران کننگک۔ اوپارے کہ بلوچستان اٹی گورننس نا بابت گچینی نا گنجائشت ساڑی ءِ۔ گورنر بلوچستان پارے کہ گوادر اٹی باڑ سیکورٹی مسخت آتیکن خلنگ انگ ءِ تو اوٹی ہچ ءُ حرج اس اف ۔ اوپارے کہ تدوک آ 35 سال آن پارلیمانی سیاست اٹ وابستہ اُٹ۔ تینا آزموندہ نا بنداو آ ٹی اُٹ صوبہ نا ویل آتے ایسر کننگ کن ہرممکن کوشست کیوہ۔ اوگورنر بلوچستان پندار کننگ آ میاں نواز شریف و میاں شہبا ز شریف نا منت واری ءِ ہرفے۔
