وزیراعظم یوتھ پروگرام نا مسخت ورناتا لائخی تے جوان ءُ پلیٹ فارم اس ترسا ملک ءِ زرگزرانی شونداری نا کنڈآ دننگ ناءِ، رانا مشہود احمدخان

اسلام آباد۔06مئی (اے پی پی) وزیراعظم یوتھ پروگرام نا چیئرمین رانا مشہود احمد خان پارینے کہ وزیراعظم نا یوتھ پروگرام کون آگام گیج آتا مسخت ٹیکنالوجی نا مون آ دننگ نا کمک اٹ ورناتا لائخی تے جوان ءُ پلیٹ فارم اس ترسا ملک ءِ زرگزرانی شونداری نا کنڈآ دننگ ءِ، ورناتا روشنا آخبت کن غٹ تر وسیلہ غاتے کاریم اٹ اتنگک۔ نیشنل انفارمیشن ٹیکنالوجی بورڈ انا کنڈآن دوشنبے نادے آ جاری بیان نا رداٹ چیئرمین وزیراعظم یوتھ پروگرام رانا مشہوداحمد خان نیشنل انفارمیشن ٹیکنالوجی بورڈ انا دورہ ءِ کرے۔ داوخت آ وزیراعظم یوتھ پروگرام نا ٹیم انا ایلوباسک آک ہم اوڑتون اوار ئسر۔ نیشنل انفارمیشن ٹیکنالوجی بورڈ انا چیف ایگزیکٹیو آفیسر ڈاکٹر بابر مجید بھٹی شرفمند آ مہمان تے بخیرکرے۔ داوخت آ نیشنل انفارمیشن ٹیکنالوجی بورڈ انا ڈائریکٹر جنرل سہیل خان و ڈی جی عمران حیدر ئسک ہم ساڑی ئسر۔ سی ای او نیشنل انفارمیشن ٹیکنالوجی بورڈ ڈاکٹر بابر مجید و اونا ٹیم انا کنڈآن وزیراعظم یوتھ پرگرام نا چیئرمین ءِ این آئی ٹی بی نا بابت حوال تننگا و ڈیٹا سینٹر نا دورہ ءِ ہم کرفنگا۔ داوخت آ رانا مشہود احمد خان نا کنڈآن وزیراعظم یوتھ پروگرام نا بابت این آئی ٹی بی ءِ تینا اصلاحات و سلاہ پیش کننگا، و اوفتیا زوت عملدرآمد نا بابت گپ وتران کرے۔ ہراڑآ نیشنل انفارمیشن ٹیکنالوجی بورڈ سلاہ تیا زوت عمل کننگ نا باوری کرفے۔ وزیراعظم یوتھ پروگرام نا چیئرمین رانا مشہود احمد خان نا پاننگ ئس کہ ملکی شونداری ٹی ورناتا کڑد اہم  ءِ و وزیراعظم نا یوتھ پروگرام کون آ گام گیج آتا مسخت ٹیکنالوجی نا مون آ دننگ نا کمک اٹ ورناتا لائخی تے جوان پلیٹ فارم اس ترسا ملک ءِ زرگزرانی شونداری نا کنڈآ دننگ نا ءِ۔ اومستی پارے کہ ورنا تا روشنا آخبت کن غٹ تر وسیلہ غاتے کاریم اٹ اتنگک۔