ورناتے آئی ٹی نا بشخ اٹی کسبکار کرسا راج اناجوان ءُ شاری جوڑ کینہ، شزہ فاطمہ

اسلام آباد۔ 06مئی (اے پی پی) وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ پارینے کہ ورناتے آئی ٹی نا بشخ اٹی کسب کار جوڑ کرسا راج انا فائدہ ئی ءُ شاری جوڑ کینہ، ساڑی حکومت نا پامدار پالیسی تا سوب آن زرگزران ترندی اٹ شون ہلنگ ءِ۔ داخیال آتا درشانی ءِ او دوشنبے نادے آ اسہ دود اسے آن تران کرسا کرے ۔ اوپارے کہ انفارمیشن ٹیکنالوجی نا بشخ آتیٹی شونداری نا بے پناہ وارخواہی ساڑی ءِ۔ ورناتے دا انفارمیشن ٹیکنالوجی نا بشخ آتیٹی پبی وارخواہی فراوان کننگ انگ ءِ۔ ورناتے آئی ٹی نا بشخ آتیٹی تربیت تننگ انگ  ءِ۔ اوپارے کہ حکومت ورناتا تعلیم و تربیت آ خاص چکار کننگ ءِ انتئے کہ وزیراعظم محمد شہباز شریف ورناتے ملک انا جوڑ کروک تکک۔ ورناتے کسب کار کرسا راج انا کاریمی ءُ شاری جوڑ کینہ۔ اوپارے کہ ساڑی حکومت ملکی زرگزران ءِ سہی کنڈآ درینے۔ حکومت نا  پامدار پالیسی تا سوب  آن ملکی زرگزران ترندی اٹ شون ہلنگ ءِ۔