بنجول ۔4مئی (اے پی پی):نائب مزن وزیر ءُ وزیر ءِ درئی کار سینیٹر محمد اسحاق ڈار ءُ سعودی وزیر ءِ درئی کار ءَ رودراتکی نیامجی ءَ استیں جیڈھ آنی بابت ءَ دلپدردی ءِ درشان کنان ءَ غزہ ءَ زوتیں جنگ بندی ءِ لوٹ کتگ ءُ پاکستان ءَ اقتصادی کمک ءُ سعودی سرمایہ کاری ءَ را گیش ودینگ ءِ جزم ءِ درشان کتگ۔ شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیانءِ رد ءَ نائب مزن وزیر ءُ وزیر ءِ درئی کار سینیٹر محمد اسحاق ءَ سعودی وزیر ءِ درئی کار شہزادہ فیصل بن فرحان آل سعود ءَ گوں گیمبیا ءِ شہر بنجول ءَ 15 او آئی سی اسلامی سروک کانفرنس ءِ موہ ءَ گند ءُ نند کت۔
