اسلام آباد۔ 03 مئی (اے پی پی) صدر مملکت آصف علی زرداری پارینے کہ پاکستان نا آئین آجوئی ءِ صحافت نا ضمانت ایتک، میڈیا نا زمواری ءِ کہ صحافتی اخلاقیات نا پابندی ءِ کے، قومی فائدہ غاتے مون آ تخسا زموارانہ و سہی رپورٹنگ کے، میڈیا جعلی خبرآتا توننگ و اخلاقی قدر انا مون آ دننگ کن تینا کڑد ءِ ادا کے۔ آجوئی صحافت نا جہانی دے ، 03 مئی 2024، نا وخت آآ تینا کلہو اٹی صدر مملکت آصف علی زرداری پارے کہ اینو نن میڈیا ءِ آئین نا رداٹ آجو، وتواجہ و متنوع کننگ کن چاگڑد اس جوڑ کننگ نا عزم اتون آجوئی ءِ صحافت نا دے ءِ اڈتننگ اٹی اُن، آجوئی صحافت نا جہانی دے ننے تینا ملک اٹی آجوئی ءِ صحافت نا حالیت آتیا سجفنگ نا موقع فراوان کیک، دادے صحافی تیکن اسہ رکھ و سازگارچاگڑد اس ودی کننگ نا کوشست آتا یات دہانی کرفک۔ اوپارے کہ اسہ آجو پریس جہانی اہمیت نا ویل آتے تالان کننگ، جعلی خبرو توہمات آتے مرکننگ، راج انا کنڈآن چاروکی کننگ کن المی ءِ۔
