بنجول۔ 03 مئی (اے پی پی) نائب وزیراعظم و وزیرخارجہ محمد اسحاق ڈار فلسطینی الس نا ناقابل تنسیخ حق خودارادیت کن پاکستان نا پورو مخ تفی نا درشانی ءِ کرساپارینے کہ ساڑی آتنکی نا اسٹ انگا آخبتی ایسر اسہ رکھ، قابل عمل، متصل و وتواجہ فلسطینی ریاست نا جوڑ کننگ اٹی ءِ ہراجون 1967آن مست انا سیم تیا تالان و ہرانا دارالحکومت القدس الشریف مرے۔ داخیال آتا درشانی ءِ او داڑے اسلامی کمکار تنظیم نا 15 می سروک دیوان نا تیاری نا چرجوئی ٹی مروک آ وزراخارجہ نا دیوان آن تران کرسا کرے۔ اوپارے کہ اقوام متحدہ نا سلامتی کونسل دشمنی نا چٹفنگ کن تینا قرارداد 2728 آ دمدستی عملدرآمد ءِ پک کے۔ محمد اسحاق ڈار اِراریاستی ایسری نا دوئی کننگ ءِ رکھ کننگ کن اسہ جوان، شفاف و ناقابل واپسی امن عمل نا زوت آن زوت دُوارہ بناآ زور شاغسا پارینے کہ فلسطینی تا برخلاف اسرائیلی جارحیت آ اوآئی سی نا وزارتی کمیٹی دُوارہ فعال مرے۔ اواسرائیل نا کنڈآن زور انا سٹی کاریم اٹ اتنگ و غزہ نا غیرانسانی گھیڑ انا دمدستی چٹفنگ نا خواست کرے۔ نائب وزیراعظم و وزیرخارجہ بھارت نا غیرکانودی وڑاٹ کوزہ ٹی جموں و کشمیر اٹی عدالت آن ایڑترخون و میڈیا بلیک آؤٹ تون اوار جابرانہ گام گیج آتا ترندی اٹ مذمت ءِ کرے۔ اوکشمیری الس نا حق خودارادیت کن پاکستان نا بدل مفروک سفارتی مخ تفی نا درشانی ءِ کرے۔
