اسلام آباد۔ 03 مئی (اے پی پی) چیئرمین سینیٹ سید یوسف رضاگیلانی پارینے کہ صحافت نا بشخ، جمہوریتءِ برقرارتخنگ، احتسابءِ مون آ دننگ و متنوع توار تیکن اسہ پلیٹ فارم اس فراوان کننگ اٹ اہم ءُ کڑد اس اداکیک۔ جمعہ نادے آ آجوئی صحافت نا جہانی دے انا وخت آ تینا کلہو اٹی اوپارےکہ پاکستان و مچ آ دنیا نا صحافی تے راج اکن اوفتا بھلا خذمت آتیا خراج تحسین پیش کرینے۔ اوپارے کہ ببو دااہم دے آ نن آجوئی صحافت نا رکھ و اودے برقرارتخنگ کن تینا اسیجائی عزم انا درشانی ءِ کین۔ اوپارے کہ صحافت نا طالب علم انا حیثیت اٹ، کنا دا عظیم کسب تون ذاتی تعلق ءِ، و صحافی تا لگن و حوصلہ ءِ است اٹ امنا کیوہ۔ آجوصحافت نا جمہوری قدر انا رکھ و پرچار اٹی مرکزی کڑداسے۔ جھیڑہ و بدامنی آن زہمی علاقہ و مچ آ دنیا ٹی صحافی کسبی مہارت نا بڑزکو انگا آب اتون خطرہ واڑاند آتے دیانتداری و نرزوری اٹ سگسا اسہ مقدس فرض اس سرتننگ اٹی ءُ۔ چیئرمین سینیٹ آجوئی صحافت نا رکھ و صحافی تا کاریم ءِ کننگ کن رکھ چاگڑد اس ودی کننگ آ زور شاغا۔ اوپارے کہ پریس نا آجوئی سوگو و شون پسند جمہوریت نا بنداو ءِ و پائیدار شونداری نا اہم محرک ءِ۔
