اقوام متحدہ۔ 03 مئی (اے پی پی) اقوام متحدہ ٹی پاکستان نا آخبتی مندوب منیر اکرم پارینے کہ بھارت اٹی رہینگوک مسلمان، عیسائی تتون اوار اوار بھارت نا غیرکانودی کوزہ ٹی جموں وکشمیر نا مسلمان تے ہم ظلم و جور انا شست کننگ انگ ءِ، اوخواست کرے کہ بھارت اٹی رہینگوک دا اقلیت آتیا جور انا چرجوئی ءِ چٹفنگے۔ پاکستانی مندوب اقوام متحدہ نا جنرل اسمبلی ٹی ’’امن نا دودوربیدہ‘‘ غا اسہ شرہ سےٹی بشخ ہلسا پارینے کہ بھارت اٹی ہراتم آن بی جے پی۔ آرایس ایس حکومت اقتدار ءِ سنبھالانے، ملک اٹی رہینگوک 20 کروڑ مسلمان و ایلو اقلیت، عیسائی و شیفکو ذات انا دلت آتا برخلاف خار، جور و بیدادی نا منظم کارروائی تیٹی ودکی مسنے ہرا دا جماعت آتا ہندوتوا نظریہ نا نتیجہ ءِ۔ اوپارے کہ بھارت اٹی ہراتم اسکان ہندو توا فاشزم نا مخالفت ءِ کننگپک و ہراتم اسکان بی جے پی و آرایس ایس ءِ اونا ڈوہ تیا سزاآن استثنانا احساس ءِ چٹفنگپک ہمووخت اسکان بھارتی مسلمان تے نسلی کشی آن رکھ تخنگ مفک و ہراتم اسکان کشمیر نا جھیڑہ پرامن وڑاٹ ایسرمفک، سویلی ایشیاٹی گیشتر تشدد و تنازعہ ساڑی و اسہ حقی خطرہ اس سلک۔
