اسلام آباد۔ 03 مئی (اے پی پی) ملک اٹی پیٹرولیم مصنوعات نا بہاٹی برجامالی سال انا اولیکو 10 تُواٹی سالانہ بنداوتیا11 درسد نا کمتی ریکارڈ کننگانے۔ اوسی اے سی و ٹاپ لائن سیکورٹیز نا رداٹ جولائی 2023 آن ہلیس اپریل 2024 نا ایسر اسکان ملک اٹی 12443000ٹن پیٹرولیم مصنوعات بہاریکارڈ کننگا ہرا تدوک آ مالی سال انا ہند امد انا مقابلہ ٹی 11 درسد کم ءُ، تدوک آ مالی سل انا ہندا مد اٹی ملک اٹی 13970000 ٹن پیٹرولیم مصنوعات نا بہاریکارڈ کننگاسس۔ اپریل اٹی ملک اٹی 1104000 ٹن پیٹرولیم مصنوعات نا بہاریکارڈ کننگا ہراتدوک آ سال اپریل نا مقابلہ ٹی 6 درسد و مارچ انا مقابلہ ٹی 4 درسد کم ءُ، تدوک آ سال اپریل اٹی ملک اٹی 1171000ٹن و مارچ اٹی 1154000ٹن پیٹرولیم مصنوعات نا بہاریکارڈ کننگاسس۔ برجامالی سال انا اولیکو 10 تُو اٹی ملک اٹی 5831000 ٹن پیٹرول نا بہاریکارڈ کننگانے ہرا تدوک آ مالی سال انا ہندا مد انا 6173000 ٹن نا مقابلہ ٹی شش درسد کم ءُ۔ ہندا وڑ برجامالی سال اٹی ملک اٹی 5050000ٹن ہائی اسپیڈ ڈیزل نا بہامس ہرا تدوک آ مالی سال انا ہند امد انا مقابلہ ٹی 4 درسد کم ءُ، تدوک آ مالی سال انا ہند امد اٹی ملک اٹی 5283000 ٹن ہائی اسپیڈ ڈیزل نا بہاریکارڈ کننگاسس۔ حساب وکتاب نار داٹ برجامالی سال انا اولیکو 10 تُواٹی ملک اٹی 869000 ٹن فرنس آئل نا بہاریکارڈ کننگا ہرا تدوک آ مالی سال انا ہندا مد انا 1866000 ٹن نا مقابلہ ٹی 53 درسد کم ءُ ۔ ایلو پیٹرولیم مصنوعات آتا بہانا کچ 693000 ٹن ریکارڈ کننگانے۔
