مزن وزیر  شہباز شریف  ءِ سعودی عرب ءِ تر ءُ تاب  باز  کامیات بوتگ، ورلڈ اکنامک فورم  ءَ غزہ   ءِ بابت ءَ   آئیءِ  لیکہ  باز ساڑاھگ  بوتگ،  ڈیجیٹل   ھک آنی  رکھینگ المی  انت،    دھکان  آنی  معیشت  ءِ   پڑ  ءَ    ٹوھیں   بھر اِت،   آوانی  ھک   لگت مال کنگ  مہ بیت،   عطاء اللہ  تارڑ

اسلام آباد۔2مئی  (اے پی پی): بنجاھی وزیر اھوالکاری    ءُ شنگ کاری عطا ء اللہ  تارڑ   ءَ گوشتگ کہ مزن وزیر شہباز شریف  ءِ استیں   سعودی    عرب  ءِ    تر ءُ تاب  کامیات بوتگ،   گوستگیں  بازیں سال آں چہ   سعودی  عرب  ءِ   اے رنگیں کامیاتی  تر ءُ تاب  نہ  دیستگ۔  سعودی ولی   ءِ پنت ءُ شون  ءَ  سعودی   وزیر  آں پاکستان ءِ جتا جتائیں  شوبگ  آنی اندر  ءَ سرمایہ کاری  ءِ  ٹوھیں  پروگرام    رد ءُ بند  داتگ۔  ورلڈ اکنامک  فورم  ءَ  غزہ ءِ ھوالگ ءَ  مزن وزیر    ءِ  بن گپ  ءَ را  سہرائی   رستگ۔   سوشل   میڈیا   ءِ سر ءَ   پروپیگنڈا    ءُ  اپواہ   آنی  گر  ءُ دار  کنگ لوٹ ائیت۔   ڈیجیٹل  ھک آنی رکھینگ  المی انت۔  پنچ شمبے ءِ روچ ءَ   بنجاھی وزیر کانود  اعظم  نذیر تارڑ  ءِ ھمبراہی  ءَ پریس  کانفرنس  ءَ گوں گشتانک دیان   ءَ کت۔  بنجاھی وزیر   اھوالکاری  ءَ گ وشت کہ  مزن وزیر  شہباز شریف  ءِ استیں   تر   ءُ تاب   سعودی  عرب  سک باز   کامیات  بوتگ۔   گوستگیں  بازیں  سال آں چہ  اے  تر ءُ تاب   گیشتر  کامیات   گندگ بوتگ۔