اسلام آباد۔ 02 مئی (اے پی پی) بنجائی وزیر ڈٹ بندی شونداری، اصلاحات و خصوصی گام گیج احسن اقبال پارینے کہ پدتموک ڈٹ آتیا تعمیراتی کاریم اٹی بروک اڑاند آتے مر کرسا زوت پورو کننگک۔ داخیال آتا درشانی ءِ او پی ایس ڈی پی نا رداٹ نیشنل ہائی وے اتھارٹی نا جاری و پوسکن آ ڈٹ آتا بابت تینا کماشی ٹی جاچ دیوان اٹی گپ وتران کرسا کرے۔ دیوان اٹی سیکرٹری ڈٹ بندی، سیکرٹری مواصلات، چیئرمین این ایچ اے تون اوار وزارت ڈٹ بندی نا کمامدارآک بشخ ہلکر۔ دیوان اٹی بنجائی وزیر ءِ پی ایس ڈی پی 2024-25نا رداٹ جاری وپوسکن آ ڈٹ آتیا حوال تننگا۔ داوخت آ احسن اقبال پارے کہ پدتموک ڈٹ آتیاتعمیراتی کاریم اٹ بروک اڑاند آتے مرکرسا زوت پورو کننگک۔ بنجائی وزیر پی ایس ڈی پی نا رداٹ بلوچستان اٹی برجاڈٹ آتے زوت پورو کننگ نا پارت ہم کرے۔ اوپارے کہ غٹ صوبائی ڈٹ آتے 50/50درسد شیئرنگ فارمولہ نارداٹ پورو کننگک۔
