اسلام آباد۔ 02 مئی (اے پی پی) نیشنل یونیورسٹی آف سائنسز اینڈ ٹیکنالوجی (نسٹ) اٹی جوڑ نیشنل سائنس اینڈ ٹیکنالوجی پارک و یومائیکرو فنانس بینک انا نیام اٹ مفاہمت نا یات داشت آ دستخط کننگا ہرانا مسخت ملک اٹی جدت و کاروبار نا مون آ دننگ کن کمکاری ءِ ودفنگ ءِ۔ نسٹ انا ریکٹر انجینئر جاوید محمود بخاری، یوبینک انا صدر و سی ای او محمد عیسیٰ الطاہری مفاہمت نایات داشت آ دستخط کریر۔ یوبینک انا صدر و سی ای او ریکٹر ءِ اوفتا تنظیم ناکنڈآن ٹیکنالوجی نا مون آ دننگ کن بناکروک آ گام گیج آتیان معلومدار کرے۔ اوجہانی آب انا تعلیمی آسراتی، متنوع ذہن تا پرورش و مثبت راجی بدلی ءِ مون آ دننگ نا وارخواہی فراوان کننگ نابارواٹی نسٹ انا گام گیج آتا ستا ءِ کرے۔ ریکٹر نسٹ یوبینک انا عزم و کسبی مہارت نا ستاءِ کرسا داپت انا درشانی ءِ کرے کہ پوسکن آ شریداری جدت پسند و کاروباری بندغ آتا بروک آ چین ءِ مون آ دننگ اٹ کمک کیک۔ ہڑتوم آ فریق آک طالب علم، لمہ و باوہ و عملہ نا راجی آسودہی ءِ گچین کننگ کن حکمت عملی تیا گپ وتران کریر و طالب علم آتا آسودہی کن انڈومنٹ فنڈ انا ٹہیفنگ آہم امنا کریر۔
