کوئٹہ۔ 02 مئی (اے پی پی) شیخہ فاطمہ بنت مبارک گرلز کیڈٹ کالج تربت نا اولیکو پاسنگ آؤٹ پریڈ نا پروقار دود اس ہرا اینو تربت اٹی اڈ ہلک ہرا بلوچستان نا تعلیمی منظر نامہ ٹی اسہ تاریخی ءُ مزل نا نشان اسے۔ دود اٹی اولیکو بیچ انا 67 گرلز کیڈٹ آتا پاسنگ آؤٹ مس۔ دا سرسہب پاس آؤٹ مروک آ کیڈٹ آک مکران، قلات ، نصیر آباد، سبی، ژوب، کوئٹہ و رخشان ڈویژن تا چندی علاقہ غاتا نمائندگی ءِ کیرہ و بلوچستان نا مسن تا لگن و ثابت قدمی نا شاہدی ءِ۔ گرلز کیڈٹس کالج نا کمانڈٹ بریگیڈیئر ہمایوں اجمل داوخت آ مہمان خاص نا حیثیت اٹ بشخ ہلک و دااہم دود انا اہمیت ءِ تالان کرے۔ دود اٹی بڑزکو بڑزکو سرسہبی دوئی کروک آ کیڈٹ آتے تعلیمی سیشن اٹی اوفتا شاندار و گچین کارکڑد نا عزم ءِ امنا کرسا چندی انعام و ایوارڈز تننگا۔ پاسنگ آؤٹ پریڈ نا دود اٹی کیڈٹ آتا لمہ و باوہ و سول سوسائٹی نا نمائندہ غاتا بھلو کچ اس بشخ ہلسا بلوچستان نا زالبول آتے واکدار کننگ و اوفتا شونداری کن اجتماعی عزم انا درشانی ءِ کریر۔ اینو نا پریڈنئے بیرہ بلوچ مسن تا لائخی تا درشانی ءِ بلکن گرلز کیڈٹس کالج تربت اٹی تعلیمی پرورش و شاندار قدوقیمت ءِ ہم طاہر کیک۔ پاس آؤٹ مروک آ کیڈٹ آک تینا مسخت نا احساس اتون اوار اوار چندی کسب آتے تینا کننگ و تینا وطن ، خاص وڑاٹ بلوچستان نا شونداری ٹی اہم کڑد ادا کننگ کن پکا عزم ءِ۔
