ریاض۔ 30 اپریل (اے پی پی) سعودی عرب نا وزیرخارجہ شہزادہ فیصل بن فرحان تون دوشنبے نادے آ ریاض اٹی جہانی اقتصادی فورم نا خصوصی دیوان اٹی فرانسیسی وزیرخارجہ سٹیفن سیگورنیٹ تون اوڑدہی کرے۔ ایس پی اے نا رداٹ اوڑدہی ٹی اسیجائی است خواہی نا امور خاص وڑاٹ غزہ نا حالیت و دابابت کروک آ کوشست آتا جاچ ءِ ہلنگا۔ داوخت آ وزارت خارجہ نا سلاہکار ڈاکٹر منال رضوان ہم ساڑی ئس۔ داکان بیدس سعودی عرب و ترکیہ نا وزیرخارجہ غاتا اوڑدہی ٹی ہڑتوم آ کنڈآتا تعلقداری و اوفتے چندی بشخ آتیٹی سوگو کننگ و شونداری تننگ نا وڑوڈول آتیا گپ وتران کننگا۔ داکان بیدس علاقائی و جہانی کہول آ خاص وڑاٹ غزہ و کیبی نا حالیت و دا بابت کروک آ کوشست آتا جاچ ءِ ہلنگا۔
