کوئٹہ۔ 30 اپریل (اے پی پی)پاکستان مسلم لیگ (ن) زالبول ونگ انا صوبائی راہشون فاطمہ خان یکم مئی آ مزور آتا جہانی دے انا رداٹ تینا اسہ کلہو اسے ٹی پارینےکہ دادے 1886 ناشکاگو نا شہید آتا کوشست و جہد ءِ خراج عقیدت پیش کننگ نا ءِ دادے ءِ اڈتننگ نا مسخت مزور آتیکن حق انا توار بڑز کننگ ءِ مزور آک ہر راج و ملک انا جم زرگزرانی و اقتصادی شونداری ٹی اہم ءُ حیثیت اس تخرہ۔ اوپارے کہ ہرا ملک آک صنعت نا پڑاٹ خاطرخواہ شون ہلکر اوفتا دا شونداری ٹی اوفتا مزور آتا تعمیری کڑد ءِ یقینا گوجالنگ مفک ننے ہم کسب کار ہیومن ریسورس و پبی افرادی قوت شونداری نا کنڈآ دیک ہرا مزور فنی مہارت آن بلد مریک او راج انا شونداری و شونہالی نا جزو لازم مریک ۔ اوپارےکہ ساڑی حکومت نئے بیرہ مزور آتا حق انا جوان ادائیگی ٹی کوشست کننگ ءِ بلکن خواری کش آتا استحصال کروک آتے اوفتا کروک نا سزا یتک و غٹ خواری کش آتیکن اسہ وڑ وارخواہی و گرج آتا فراوانی ءِ ممکن کیک۔
