راولپنڈی۔ 30 اپریل (اے پی پی) اینٹی نارکوٹکس فورس منشیات اسمگلنگ نا برخلاف برجاکریک ڈاؤن اٹی 11 کارروائی تیٹی 76 کلوگرام منشیات و 580 لیٹر شراب دوئی کرسا 15 دوبہ دار آتے دزگیرکرے۔ ترجمان اے این ایف پارے کہ لاہور بالی پٹ آ دوحہ غا ہنوک آ مسافر آن 1.4 کلوگرام آئس دوئی کننگا۔ اسلام آباد بالی پٹ آملیشیا غا ہنوک آ 3 مسافر آتیان 1.1 کلوگرام کیٹامائن 201 گرام ہیرون و 969گرام کیفین دوئی کننگا۔ پشاور بالی پٹ آ بحرین آ ہنوک آمسافر آن 290 گرام ہیرون دوئی کننگا۔ کراچی بالی پٹ آ نیوزی لینڈ کن بُک کروک پارسل آن 1 کلوگرام آئس دوئی کننگا۔ لسبیلہ ٹی اوتھل روڈ انا خڑک 3 دوبہ دارآتیان 40کلوگرام چرس دوئی کننگا۔ پنجگور آن 20 کلوگرام چرس و 580 لیٹر شراب دوئی کننگا۔ ڈیرہ اسماعیل خان اٹی دوبہ دار آن 7.2کلوگرام چرس دوئی کننگا۔ اسلام آباد اٹی اِرا جتا کارروائی تیٹی 3 دوبہ دار آن 2.9 کلوگرام چرس و 100 گرام افیم دوئی کننگا۔ جی ٹی روڈ پشاور آ اوغان باتی آن 1.2 کلوگرام افیم و 250 گرام آئس دوئی کننگا۔ ایم ون موٹروے اسلام آباد نا خڑک اِرا دوبہ دار نا پڈآن 59 ہیرون آن پُر کیپسول دوئی کننگا۔ ترجمان اے این ایف پارے کہ دزگیر دوبہ دار نا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
