اسلام آباد۔ 30 اپریل (اے پی پی) پاکستان کشمیر و فلسطین نا حوالہ ءِ ترسا اقوام متحدہ نا کمیٹی آن انفارمیشن ءِ پارینے کہ درملکی کوزہ گیر ریاست آک حق خودارادیت تون اوار بنداوی آجوئی تیان محروم مخلوق نا توار تے توننگ کن دروغ اناخبر وغلط معلومداری نا سیبو ءِہلنگ اٹی ءُ۔ اقوام متحدہ ٹی پاکستان نا آخبتی مندوب منیر اکرم تدوک آ دے اقوام متحدہ نا کمیٹی آن انفارمیشن ءِ پارےکہ نن اینو غزہ نا جنگ اٹی و بھارت نا غیرکانودی کوزہ ٹی جموں وکشمیر اٹی پدریسہ دانا مشاہدہ ءِ کننگ اُن۔ دا کمیٹی اقوام متحدہ نا شعبہ جہانی مواصلات (ڈی جی سی) نا کاریم نا چاروکی ءِ کیک و محکمہ ءِ اونا پالیسی، پروگرام و سرجزآتا بارواٹی راہشونی فراوان کیک۔ اقوام متحدہ ٹی پاکستان نا نائب آخبتی مندوب عثمان جدون کمیٹی نا 46 می دیوان نا کماشی ءِ کننگ ءِ۔ دیوان اٹی پاکستانی مندوب منیر اکرم تینا تران اٹی تینا سنگت ءِ بخیر اٹ پارسا پارے کہ کمیٹی آن انفارمیشن نا 46 می دیوان نا کماشی ’’نا‘‘ کثیرالجہتی و اقوام متحدہ نا انفارمیشن ایجنڈاکن پاکستان نا عزم انا نشانی ءِ۔
