اسلام آباد۔ 30 اپریل (اے پی پی) بنجائی وزیر اقتصادی امور احد خان چیمہ تون پاکستان اٹی برطانوی ہائی کمیشن نا ڈویلپمنٹ ڈائریکٹر جوموئیر اوڑدہی کرینے۔ سے شنبے نادے آ وزارت اقتصادی امور آن جاری بیان نا رداٹ اوڑدہی ٹی فارن کامن ویلتھ ڈویلپمنٹ آفس نا ٹیم لیڈر رضوان اعظم و وزارت اقتصادی امور نا سینئر کمامدارآک ہم ساڑی ئسر۔ وزیر اقتصادی امور پاکستان اٹی برطانوی ہائی کمیشن نا ڈویلپمنٹ …
بنجائی وزیر اقتصادی امور احدخان چیمہ تون برطانوی ہائی کمیشن نا ڈویلپمنٹ ڈائریکٹر جوموئیر نا اوڑدہی
گیشتریں ھال
اسلام آباد۔ 30 اپریل (اے پی پی) بنجائی وزیر اقتصادی امور احد خان چیمہ تون پاکستان اٹی برطانوی ہائی کمیشن نا ڈویلپمنٹ ڈائریکٹر جوموئیر اوڑدہی کرینے۔ سے شنبے نادے آ وزارت اقتصادی امور آن جاری بیان نا رداٹ اوڑدہی ٹی فارن کامن ویلتھ ڈویلپمنٹ آفس نا ٹیم لیڈر رضوان اعظم و وزارت اقتصادی امور نا سینئر کمامدارآک ہم ساڑی ئسر۔ وزیر اقتصادی امور پاکستان اٹی برطانوی ہائی کمیشن نا ڈویلپمنٹ ڈائریکٹر نا پاکستانی الس ءِ تروک آ پدریسہ مخ تفی و کمک آ منت واری ءِ ہرفے۔ اوخاص وڑاٹ 2022 نا نوکاپ اٹی اہم امداد فراوان کننگ اٹ ایف سی ڈی او نا کڑد و انٹرنیشنل پارٹنرزسپورٹ گروپ کن اونا مخ تفی نا اعتراف ءِ کرے۔ بنجائی وزیر پاکستان نا راجی و اقتصادی شونداری کن ایف سی ڈی او تون برجاکمکاری کن حکومت پاکستان نا عزم انا درشانی ءِ کرے۔ شونداری ڈائریکٹر نیزگاری ٹی کمتی، موسمیاتی بدلی، مالیاتی ازباب، و مالیاتی نظام و احتساب کون آ ویل آتون مون تننگ کن سوگو شریداری و تین پہ تینی کمکاری نا کوشست آتیا وزیر نا منت واری ءِ ہرفے۔
