لاہور۔ 30 اپریل (اے پی پی) بنجائی وزیر داخلہ محسن نقوی سے شنبے نادے آ نادرا سینٹر ضرار شہید روڈ کینٹ انا دورہ ءِ کرے۔ داوخت آ بنجائی وزیر داخلہ محسن نقوی شناختی کارڈ و ایلو المی آ دستاویز آتے جوڑ کرفنگ کن بروک آ شاری تتون اوڑدہی کرے و اوفتیان دستاویز آتا ہلنگ نا بارواٹی اَرفے۔ اوشاری تے مون تروک ویل آتا ایسری کن ہمووخت آ پرمان جاری کرے۔ وزیرداخلہ نادرا سینٹر اٹی سفائی نا بست وبند آتے گچین کننگ نا پارت کرے۔ اوکاؤنٹرز آ ساڑی شاری تتون گپ وتران کرساپارے کہ نادراٹی ہچ ءُ ایجنٹ مافیااس اف، پاسپورٹ آفس آن ہم اوفتے چٹفینہ۔ اوپارےکہ نادرا سینٹر نا دورہ نا مسخت شاری تے دستاویزآتا بابت آسراتی فراوان کننگ ءِ۔
