اسلام آباد۔ 30 اپریل (اے پی پی) اسپیکر قومی اسمبلی سردار ایاز صادق تون قطر انا سفیر علی مبارک علی عیسی الخاطر سے شنبے نادے آ اوڑدہی کرے ہراٹی پاک۔ قطر تعلقداری آ است جمی نا درشان و اوفتے سوگو کننگ نا عزم انا درشانی کننگا۔ داوخت آ اسپیکر پارے کہ پاکستان۔ قطر اتون تینا متکن آ ایلمی تعلقداری تےبھاز اہمیت ایتک۔ پاکستان و قطر انا نیام اٹ ایلمی تعلقداری مذہب، دودوربیدہ، تاریخ و تین پہ تینی پت و شرف نا سوگو بنداوتیاٹی ءِ۔ اوپارےکہ ہڑتوم آ کنڈآتا تعلقداری تے پین سوگو کننگ کن پارلیمانی سفارتکاری اہم کڑد اس ادا کننگ کیک۔ ہڑتوم آ ایلم ملک آتا نیام اٹ پارلیمانی ڈل آتا ہن و بر و پارلیمانی فرینڈ شپ گروپ نا نیام اٹ رابطہ غاتیان ہڑتوم آ قوم تیٹی ہم گرنچی ءِ مون آ دننگک۔ اسپیکر قومی اسمبلی نا قطر انا مجلس شوریٰ نا اسپیکر حسن بن عبداللہ الغنیم ءِ پارلیمانی ڈل اتون اوار پاکستان نا دورہ نا سلہ خلک۔
