ریاض۔ 30 اپریل (اے پی پی) وزیراعظم محمد شہباز شریف جہانی اقتصادی فورم نا خصوصی دیوان اٹی بشخ ہلنگ آن پد وطن آ پدی روانہ مس۔ سے شنبے نادے آ وزیراعظم آفس نا میڈیا ونگ آن جاری بیان نارداٹ ریاض نا رائل بالی پٹ ٹرمینل آ سعودی عرب نا بڑزکوکمامدار، پاکستان اٹ تعینات سعودی سفیر، سعودی عرب اٹی پاکستان نا سفیر و ایلو سفارتی عملہ وزیراعظم محمد شہباز شریف ءِ رخصت کریر۔ جہانی اقتصادی فورم نا وخت آ وزیراعظم سعودی ولی عہد و وزیراعظم شہزادہ محمد بن سلمان آل سعود ، امیر کویت شیخ مشعل الاحمد الجابر الصباح ، ملائیشیانا وزیراعظم انورابراہیم، سعودی وزیر آتون اوڑدہی کرے۔ وزیراعظم نا دا دورہ پاکستان و سعودی عرب نا نیام اٹ زرگزرانی تعلقداری نا بابت بھاز اہمیت نا حامل ئس۔

متعلقہ مضامینمصنف کی طرف سے مزید