حب۔ 29 اپریل (اے پی پی) پاکستان کوسٹ گارز انا کارروائی کوئٹہ غان کراچی آ ہنوک آ مسافر کوچ آن اسمگلنگ مروک گڑادوئی کرے کوچ انا عملہ ءِ دزگیر کرسا مستی کانودی کارروائی کننگ انگءِ۔ ترجمان پاکستان کوسٹ گارڈز، سرجم حوال آتا رداٹ ترجمان پاکستان کوسٹ گارڈز انا رداٹ کوئٹہ غان کراچی آ بروک آکوچ انا حب وندر ناکہ کھارڑی چیک پوسٹ آ اودیم ذریعہ اٹ دوئی معلومداری تا بنداو آ چیکنگ کرے ولے مہالو آنبار داوار آ ہم ڈیوٹی اسٹاف بےکچ تحمل اٹ مسافر آتے دڑفسا کوچ ءِ چیکنگ کریر و چیکنگ اٹی کافی تکنیکی کمک وتگ و دود آن پد بے کچ مہارت اٹ تیارکروک کوچ انا اودیم خانہ غاتیان اسمگلنگ نا چندی گڑادوئی کننگا دا مسافر کوچ باچاخان کمپنی نا ءِ خصوصی وڑاٹ اسمگلنگ نا گڑاتیکن تیارکروک اودیم خانہ غاتیان 1050 کلوگرام چھالیہ بڑزکو کوالٹی نا چندی وڑنا 1300 کلوگرام پچ ملک پاؤڈر 46 بیگ و 1700 کلوگرام خشخاش دوئی کننگا مسافر کوچ ءِ پین چیکنگ کن توننگا و مسافر آتے ایلوکوچ آتا کمک اٹ روانہ کننگا مسافر کوچ انا عملہ ءِ دزگیرکرسا مستی کانودی کارروائی کننگ انگءِ۔ یات سلے کہ پاکستان کوسٹ گارڈز ہروڑنا اسمگلنگ نا توننگ کن ہروخت لگوک ءِ و تینا فرض ءِ منصبی نا سرتننگ کن ہروڑنا زور اٹی بننگ آن بیدس تینا کاریم ءِ برجاتخسا ملکی زرگزران ءِ سوگو کننگ اٹ تینا کڑد ءِ ادا کرسا کیک۔
