کوئٹہ۔ 29 اپریل (اے پی پی) بلوچستان نا 30 ضلع غاتیٹی انسداد پولیو نا خصوصی مہم نا بناءِ کننگا۔ ایمرجنسی آپریشن سینٹر بلوچستان نا کوآرڈی نیٹر سید زاہد شاہ میڈیا تون گپ وتران کرسا پارے کہ بلوچستان نا 30 ضلع غاتیٹی انسداد پولیو نا خصوصی مہم اینو آن بناکننگ ءِ۔ ہفت دے ئی مہم ساڑی آ پولیو نا کیس و چاگڑدی وڑتیٹی دین انا ساڑی گری نا رداٹ بناکننگ انگ ءِ، مہم اٹی 23 لکھ 95 ہزار آن زیات چناتے پولیو آن بچفنگ نا پڑی کنفنگک۔ اولمہ و باوہ سول سوسائٹی، استاد و عالم دین تیا خصوصی وڑاٹ زور شاغسا پارینے کہ دا مہم اٹی تینا کمکاری ءِ پک کیر۔ اوپارے کہ مہم اٹی 10 ہزار آن زیات ٹیم بشخ ہلیرہ۔ ہرافتے ٹی 8 ہزار 9 موبائل ٹیم، 837 فکسڈ سائٹ و 541 ٹرانزٹ پوائنٹ اوار ءُ پولیس لیویز و ایف سی نا ورناک داٹی سیکورٹی نا فرض ءِ سرایترہ۔
