بروک آ سال ساؤتھ ایشین گیمز آن مست نارووال اسپورٹس سٹی ءِ جہانی آب انا رداٹ تیار کرفنگ کنا عزم ءِ، احسن اقبال چوہدری

نارووال ۔ 29 اپریل (اے پی پی) بنجائی وزیر ڈٹ بندی و شونداری پروفیسر احسن اقبال چودھری پارینے کہ بروک آ سال ساؤتھ ایشین گیمز آن مست نارووال اسپورٹس سٹی ءِ جہانی آب انا رداٹ تیارکرفنگ کنا عزم ءِ۔ داخیال آتا درشانی ءِ او نارووال سپورٹس سٹی نا انتظامی باندات آتا بابت اڈ ہلوک دیوان اٹی کرے۔ نارووال اسپورٹس سٹی نا پاکستان اسپورٹس بورڈ آن یونیورسٹی آف نارووال ءِ ہینڈنگ اوور آن پد نارووال اسپورٹس سٹی نا انتظامی و مالی باندات آتے چلیفنگ نا بابت وائس چانسلر یونیورسٹی آف نارووال ، پاکستان اسپورٹس بورڈ و ہائیر ایجوکیشن کمیشن نا نمائندہ غاتیا تالان سہ باسکی کمیٹی اس ٹہیفنگا ، دا کمیٹی داہیت ءِ پک کیک کہ سپورٹس سٹی ٹی برجاڈویلپمنٹ  پروجیکٹ آتے ترندی اٹ پورو ک و داپروجیکٹ آتا ادائیگی ءِ پک کے تانکہ نارووال اسپورٹس سٹی ءِ غٹ تر گوازی تیکن زوت آن زوت اوپن کننگ مرے۔ داوخت آ بنجائی وزیر  ڈٹ بندی وشونداری پروفیسر احسن اقبال چودھری نا کنڈآن نارووال سپورٹس سٹی ٹی ساڑی اسکواش و بیڈمنٹن ہالز، باسکٹ بال، کرکٹ، فٹبال، وہاکی گڑاؤنڈ و اسپورٹس سٹی نا ہاسٹلز نا بحالی نا کاریم ءِ زوت آن زوت پورو کننگ نا بابت ایگزیکیوٹنگ ایجنسی تے پارت تننگا، داکان بیدس اسپورٹس سٹی ٹی کبڈی گراؤنڈ جوڑ کننگ و بجلی تون اوار غٹ ترباندات آتے زوت پورو کننگ نا پارت کننگا۔ بنجائی وزیر مستی پارے کہ بروک آسال ساؤتھ ایشن گیمز انا اڈتننگ آن مست نارووال سپورٹس سٹی ءِ انٹرنیشنل آب انا رداٹ تیار کروئی مریک۔ دیوان اٹی وائس چانسلر یونیورسٹی آف نارووال پروفیسر ڈاکٹر محمدیونس، فیڈرل سیکرٹری فار بین الصوبائی رابطہ ندیم ارشد کیانی ، ڈی جی پاکستان اسپورٹس بورڈ وایڈیشنل سیکرٹری بین الصوبائی رابطہ ظہور احمد، ڈپٹی کمشنر نارووال سید حسن رضا، فوکل پرسن نارووال اسپورٹس سٹی فاروق اعظم ، ہائیر ایجوکیشن کمیشن و پاکستان اسپورٹس بورڈانا نمائندہ غاک بشخ ہلکر۔