اسلام آباد۔ 29 اپریل (اے پی پی) نائب وزیراعظم و وزیرخارجہ سینیٹر محمد اسحاق ڈار ملائیشیا نا وزیرخارجہ داتو سیری اتاما حاجی محمد بن حاجی حسن تون جہانی کمکاری، شونداری و توانائی نا مو ن آ دننگ کن خصوصی دیوان نا وخت آاوڑدہی کرے، ورلڈ اکنامک فورم نا دیوان 28 و29 اپریل آ سعودی عرب نا دارالحکومت ریاض اٹی اڈہلنگ ءِ۔ دوشنبے نادے آ دفترخارجہ نا کنڈآن جاری بیان نا رداٹ اوڑدہی ٹی ہڑتوم آ راہشونک واپار وزرکاری نا تعلقداری تے ودفنگ آ خصوصی چکار کننگ تون گیشتر تعلقداری تا جاچ ءِ ہلکر و اسیجائی وزارتی کمیشن نا بروک آ دور انا دیوان برجاسال اٹی اسلام آباد اٹی اڈتننگ آ امنا کریر ، فریق آک مارکیٹ آتا جاچ ءِ ہلیرہ و پبی اقتصادی نتیجہ غاتیکن چندی بشخ آتیٹی کروک آوارخواہی تیان پبی فائدہ ہرفرہ۔ بیان نا رداٹ باقاعدگی اٹ بڑزکو کہولی رابطہ ہڑتوم آ کنڈآتا واپار و زرکاری ناتعلقداری تے سوگوی ایترہ۔ داپس منظر اٹ پاکستان نا نائب وزیراعظم و وزیرخارجہ ملائیشیا نا وزیرخارجہ ءِ پاکستان نا دورہ نا سلہ خلک ہرادے او امنا کرے۔ غزہ ٹی برجاانسانی تنکی آ گپ وتران کرسا ہڑتوم آ فریق آک دمدستی وڑاٹ مخاصمت نا چٹفنگ و فلسطینی تے دمدستی انسانی امداد فراوان کننگ آ زور شاغار۔ اوفک پاریر کہ فلسطین نا ویل آپرامن و پائیدار ایسراس پٹنگ کن او آئی سی نا فریم ورک نا تہہ ٹی خڑکی کمکاری نا ہم گرجءِ۔
