ریاض۔29اپریل (اے پی پی): مزن وزیر محمد شہباز شریف ءُ ملائیشیا ءِ مزن وزیر انور ابراہیم ءَ پاکستان ءُ ملائیشیا ءِ نیام ءَ وانگ ءُ زانگ، سائنس ءُ ٹیکنالوجی ، لائیو سٹاک ءُ تجارت ءِ شوبگ آنی تہ ءَ کمک آناں دیمروئی دیگ ءِ جزم ءِ درشان کتگ۔ دو شمبےءَ مزن وزیر کارگس ءِ میڈیا ونگ ءِ نیمگ ءَجاڑی بوتگیں بیان ءِ رد ءَ مزن وزیر محمد شہباز شریف ءُ ملائیشیا ءِ مزن وزیر انور ابراہیم ءِ نیام ءَ ریاض ءَ میاں اوستمانی اقتصادی فورم ءِ ھاسیں دیوان ءِ موہ ءَ گند ءُ نند بوت۔ مزن وزیر محمد شہباز شریف ءِ دوارگ گچین بوھگ ءَ پد دوئی سروک آنی نیام ءَ ایش اولی گند ءُ نند بوتگ پدا ھم دوئیں سروک آنی نیام ءَ 4 مارچ 2024 ءَ مزن وزیر ءِ اگدہ ءَ گرگ ءُ 10 اپریل 2024 ءَ کسانیں ائید ءِ موہ ءَ ٹیلی فون ءِ سر ءَ رابطہ بوتگ۔ مزنوزیر ءَ ملائیشیا ءِ مزن وزیر ءِ سروکی ءِ توسیپ کنان ءَ لبزانک ھاسیں رنگ ءَ پاکستان ءِ راجی شاعر علامہ اقبال ءِ بابت ءَ آئی ءِ زانت ءُ زانش ءَ را ساڑاتگ۔ ملائیشیا ءِ مزن وزیر ءَ لستیں دانک اردو زبان ءَ گوشت انت ءُ پاکستان ءِ زانشتی ادارگ آنی تران کت ادا گوستگیں دور ءُ باریگ ءَ ملائیشیا ءِ نودربر آں میڈیاکل ءُ انجینئرنگ ءِ زانت ءُ زانش در جتگ۔ دوئیں نیمگ ءَ چہ یکوئی آناں گیش دیمروئی دیگ ءِ بابت ءَ تپاک کنگ ءَ ھوار جوش ءُ جوزگ ھم گندگ بوت۔
