مزن وزیر  محمد   شہباز شریف ءَ گوں سعودی  عرب ءِ  وزیر   ءِ سرمایہ کاری،  وزیر ءِ ھزانگ    ءُ وزیر   برائے  صنعت    ءِ     گوما  جتا جتائیں  گند ءُ نند  کت،  سعودی عرب   پاکستان ءَ سرمایہ کاری  ءِ گیش    موہ  پٹ ءُ  پول  کنت،  گند ءُ نند  آنی   ھوالگ ءَ تپاک

ریاض۔28اپریل  (اے پی پی): مزن وزیر    محمد  شہباز شریف  ءَ گوں  میاں اوستمانی    اقتصادی  فورم ءِ ھاسیں  دیوان    سائیڈ لائینز  آنی   ھوالگ ءَ سعودی عرب  ءِ   وزیر   سرمایہ   کاری  الفالح، سعودی  عرب  ءِ  وزیر ءِ ھزانگ    محمد لاجد عان  ءُ سعودی  وزیر  برائے  صنعت   بند ر  بن ابراہیم الخیریف   ءَ جتا جتائیں گند ءُ نند کت۔  گند ءُ نند ءَ  تپاک  کنگ بوت  کہ سعودی عرب  پاکستان  ءَ سرمایہ کاری  ءِ  گیش موہ  پٹ  ءُ پول  کنت۔  مزن وزیر  کارگس ءِ   میڈیا ونگ ءِ نیمگ ءَ جاڑی بوتگیں پریس  ریلیز  ءِ رد ءَ  سعودی وزیر  سرمایہ کاری  ءَ  مزن وزیر  ءِ گوما گند ءُ نند ءَ مزن وزیر  ءَ را   ” پرائم  منسٹر آف  ایکشن ”  نامینان ءَ  گوشت کہ مئے درستانی  کار کرد  ءُ کار  کنگ ءِ  گام  آنی ھوالگ ءَ سرپد  آں۔    آئی ءَ گوشت کہ  تو  پاکستان ءِ دیمروئی ءِ مشن  ءَ زوان ءَ دیم ءَ جنزگ  ءَ ات   ایشی ءِ اندر ءَ ما  درست    تئی  گوما آں،    تئی  مشن  مئے  مشن  انت۔  سعودی  وزیر ءِ     سرمایہ کار  ی  ءَ گوشت کہ  سعودی  سرمایہ کار  آنی ڈل  زوت  پاکستان ءِ  تر ءُ تاب  ءَ کنت۔