مزن وزیر محمد شہباز شریف میاں اوستمانی اقتصادی فورم ءَ بھر زوری ءِ واستہ مرچی سعودی عرب ءَ روادگ بیت

اسلام آباد۔27اپریل (اے پی پی): مزن وزیر محمد شہباز شریف میاں اوستمانی کمک، دیمروئی ءِ واستہ ھاٹیگ ءِ ھوالگ ءَ میاں اوستمانی اقتصادی فورم (ڈبلیو ای ایف ) ءِ دوروچی ھاسیں دیوان ءَ بھر زوری ءِ واستہ مرچی شمبے ءِ روچ ءَ سعودی عرب ءِ تر ءُ تاب ءَ کنت۔ مزن وزیر ءَ را فورم ءِ دیوان ءَ بھر زوری ءِ دعوت سعودی ءِ ولی ءُ سعودی مملکت ءِ مزن وزیر محمد بن سلمان آل سعود ءُ ڈبلیو ای ایف ءِ جوڑیشتکار ءُ ایگزیکٹو چیئرمین پروفیسر کلاؤس شواب ءَ داتگ بوتگ۔ مزن وزیر کارگس ءِ میڈیا ونگ ءِ نیمگ ءَ شمبے ءِ روچ ءَ ادا جاڑی بوتگیں پریس ریلیز ءَ گوشت گوتگ کہ مزن وزیر ءِ ھمبراہ ءَ ڈل ءَ بنجاھی کابینہ ءِ باسک ھم ھوار انت۔ اے موہ ءَ میاں اوستمانی سروک آنی گوما گند ءُ نند ءِ ساھت ء مزن وزیر جان سلامتی ، مالیاتی ٹیکنالوجیز، انفارمیشن ٹیکنالوجی، جوانیں دیمروئی، دمگی کمک ءُ میاں اوستمانی دیرموئی ءِ واستہ ھاٹیگ ءِ مھکمیں کارمرزی ءِ ھوالگ ءَ پاکستان ءِ لیکہ ءَ سہرا کنت۔ ڈلیو ای ایف ءِ دیوان ءِ موہ ءَ میاں اوستمانی سروک، میاں اوستمانی ادارگ آنی سروک ءُ ایندگر ارزشتی ایں بامرد آں گوں دو نیمگی گند ءُ نند ھم کن اَنت۔