اسلام آباد۔27اپریل (اے پی پی): مزن وزیر محمد شہباز شریف میاں اوستمانی اقتصادی فورم ءِ میاں اوستمانی کمک، دیمروئی ءُ ھاٹیگ ءِ ھوالگ ءَ ھاسیں دیوان ءَ بھر زوری ءِ واستہ مرچی سعودی عرب ءِ ادر الحکومت ریاض ءَ پج ات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں سرجمیں ھال آنی رد ءَ مزن وزیر میاں اوستمانی اقتصادی فورم ءِ اے دیوان ءَ بھر زوری ءِ دعوت سعودی عرب ءِ ولی ءُ مزن وزیر شرپ مند واجہ محمد بن سلمان آل سعود ءُ میاں اوستمانی اقتصادی فورم ءِ جوڑیشت کار چیف ایگزیکٹو کلائوس شویب ءِ نیمگ ءَ دیگ بوتگ۔ مزن وزیر میاں اوستمانی جان سلامتی، فنانشل ٹیکنالوجیز، انفارمیشن ٹیکنالوجی، ٹوھیں دیمروئی، اقتصادی کمک، ءُ میاں اوستمانی دیمروئی ءِ رد ءَ ھاٹیگ ءِ جوانیں کارمرزی ءِ ھوالگ ءَپاکستان ءِ لیکہ ءَ را دگنیا ءِ دیم ءَ سہرا کنت۔ میاں اوستمانی اقتصادی فورم ءِ اے ھاسیں دیوان ءِ سائیڈ لائنز آنی سر ءَ مزن وزیر ءِ ارزشتی ایں میاں اوستمانی سروک، میاں اوستمانی ادارگ آنی سروک ءُ ایندگر ارزشتی ایں بامرد آں گوں دو نیمگی گند ءُ نند ھم کنگ بیت۔ مزن وزیر ءِ ھمبراہی ءَ ڈل ءَ بنجاھی کابینہ ءِ باسک آنی تہ ءَ ھوار بنت۔
