دراخ جوڑ پاکستان کن وزیراعظم نا خصوصی پارت آ دے ونن کاریم کننگ اٹی اُن، ڈاکٹرملک مختار احمد بھرتھ

اسلام آباد۔ 26 اپریل (اے پی پی) وزیراعظم نا کوآرڈی نیٹر جان جوڑی ڈاکٹر ملک مختار احمد بھرتھ پارینے کہ دراخ جوڑ پاکستان کن وزیراعظم نا خصوصی پارت آ دے و نن کاریم کننگ اٹی اُن، حکومت آب اٹ جان جوڑی اسکان رسینگ اٹ لس بندغ نا مشکل آتیان جوانی اٹ بلد ءِ۔ داخیال آتا درشانی ءِ او جمعہ نادے آ بنجائی جان جوڑی آسراتی پروگرام نا ڈیٹا سینٹر نا دورہ ٹی گپ وتران کرسا کرے۔ داوخت آ بنجائی سیکرٹری جان جوڑی ندیم محبوب ہم اوڑتون اوار ئس۔ ڈاکٹر مختار احمد بھرتھ پارینے کہ جان جوڑی کن بنجائی جان  جوڑی آسراتی پروگرام نا ڈیجیٹلائزیشن و ہیلتھ ڈیٹا بیس گچین، شفاف و آب اٹ خذمت نا کنڈآ اسہ اہم ءُ مزل نا نشان اسے، جان جوڑ پاکستان کن وزیراعظم نا خصوصی پارت آ دے و نن کاریم کننگ اُن۔ اوپارے کہ حکومت آب اٹ جان جوڑی اسکان رسینگ اٹ لس بندغ نا مشکل آتیان جوانی اٹ بلد ءِ، حکومت جان جوڑی آسراتی پروگرام و ایلو خذمت آتا کمک اٹ جان جوڑی ءِ گچین کننگ کن پبی گام گیج کننگ اٹی ءِ۔ اوپارے کہ جان جوڑی آسراتی پروگرام اٹی خلوک آ کنٹرولر و گیٹ کیپنگ میکانزم اٹی پوسکن آ ڈیجیٹل ٹولز و مصنوعی ذہانت آن فائدہ ہرفنگ انگ ءِ۔ جان جوڑی آسراتی پروگرام نا سی ای او محمد ارشد و سٹیٹ لائف کارپوریشن نا کنڈآن محمدا شعر وزیراعظم نا کوآرڈی نیٹر جان جوڑی ءِ سرجمی اٹ حوال تس۔