ایبٹ آباد۔25اپریل (اے پی پی): مزن وزیر محمد شہبا زشریف ایبٹ آباد ءَ شہید کسٹمز انسپکٹر سید حسنین علی ترمذی ءِ گس ءَ شتگ ءُ شہید ءِ پت ءُ زھگ آنی گوما دلپدردی ءِ درشان کتگ ءُ پاتیہ ونتگ۔ اے موہ ءَ بنجاھیوزیر کشمیری کار ، گلگت بلتستان، ءُ سیفران انجینئر امیر مقام، بنجاھی وزیر اھوالکاری ءُ شنگ کاری عطا اللہ تارڑ، باسک راجی اسمبلی سردسار محمد یوسف ، مسلم لیگ ن ءِ سروک مرتضیٰ جاوید عباسی، چیئرمین ایف ابی آر ملک امجد زبیر ٹوانہ ھم آئی ءِ ھمبراہ ات۔ مزن وزیر ءَ شہید ءِ زھگ آنی سر ءَ دست ایر مشت ءُ مہر دات انت ، آواں گون دلی دلپدردی ءِ درشان ھم کت۔ مزن وزیر ءَ آئی ءِ پت ءَ را امباز کت ءُ گوشت کہ شہید پیکیج ءِ چیر دستی ءَ شہید ءِ لوگ بانک ءُ زھگ آنی واستہ کمکی چیک آئی ءَ را دات۔ مزن وزیر ءَ گوشت کہ اے کمکی زر تئی زھگ ءِ قربانی آنی مٹ اچ رنگ ءَ بوت نہ کن اَنت بلے شہید ءِ جنوزام ءُ زھگ آںی واستہ حکومت ارچ کت کنت آ کنت انت، آوانی زانت ءُ زانش ءُ علاج ءِ ھرچ ءُ درچ ھم حکومت سگ ءُ اوپار کنت انت۔
