کراچی۔ 24 اپریل (اے پی پی) ڈی آئی جی سیکورٹی اینڈ ایمرجنسی سروسز ڈویژن ڈاکٹر مقصود احمد آفیسر وورناتے پبی لگن، خواری و دلجوئی اٹ ڈیوٹی سرتننگ آ شاباشی ترساپارینے کہ ایرانی صدر ابراہیم رئیسی تینا ڈل اتون اوار کراچی نا دورہ ءِ پورو کرسا پدی روانہ مس۔ ترجمان ڈی آئی جی سیکورٹی اینڈ ایمرجنسی سروسز ڈویژن نا چارشنبے نادے آ جاری کروک اعلامیہ نا رداٹ ڈی آئی جی سیکورٹی پارے کہ ایرانی صدر ابراہیم رئیسی نا دورہ ءِ کراچی نا وخت آسخت سیکورٹی بست وبند کننگاسس۔ اوپارے کہ ایرانی صدر تینا دورہ ٹی قائد نا مزار آ ہم حاضری تس و پھل شاغا۔ اوپارے کہ داوخت آ ایس ایس یو نا 700 کمانڈز بشمول لیڈی کمانڈوز تون اوار سیکورٹی ڈویژن نا 800 آن زیات آفیسر وکارندہ غاک سیکورٹی نا فرض ءِ سرتسر وخت اس کہ کراچی پولیس نا جم وڑاٹ 3847 آن زیات کارندہ درملکی شرفمند آتا بننگ نا وخت آ سیکورٹی ڈیوٹی آ سلوک ئسر۔ ڈی آئی جی سیکورٹی پارے کہ پولیس نا ورناو آفیسر آک تینا زمواری تے جوانی اٹ پورو کرسا محکمہ نا شرف ءِ بڑزکرینو۔
