لاہور۔ 24 اپریل (اے پی پی) بنجائی خراج محتسب نا کوآرڈی نیٹر مہرکاشف یونس پارینے کہ ایرانی صدر نا دورہ ءِ پاکستان اٹی واپار نا مون آ دننگ کن 10 ارب ڈالر مفاہمت نا یات داشت آتیا دستخط داہیت انا درشانی ءِ کہ ہڑتوم آملک آک تین پہ تینی کمکاری و اقتصادی تعلقداری تے سوگو کننگ نا خواہندار ءُ۔ چارشنبے نادے آ تینا اسہ بیان اسے ٹی اوپارے کہ ایرانی صدر نا دادورہ ہڑتوم آایلم ملک آتا نیام اٹ خڑکی تعلقداری ٹی اسہ اہم ءُ مزل نانشان اسے انتئے کہ ہڑتوم آ راہشونک تعلقداری تے سوگو کننگ کن سنبرینگوک ءُ۔ دا ایم اویو تا مسخت ہموار واپاری آسراتی نا فراوانی، محصولات اٹی کمتی و کسٹم نا وڑوڈول ءِ آسان کرسا ہڑتوم آملک آتیٹی واپار و بزنس کمیونٹی کن پوسکن ءُ وارخواہی ملنگ نا ءِ۔ دا گام آن اقتصادی و دودوربیدہ ئی تعلقداری گچین و السی کہول آ رابطہ زیات سوگو مریک وخت اس کہ ایران و پاکستان نا نیام اٹ واپاری تعلقداری نا مون آ دننگ علاقائی سوگوی و شونہالی ٹی ہم ودکی نا سوب جوڑمریک۔ اوپارے کہ ہڑتوم آہمسایہ ملک آتے سیکورٹی گڑتی کون آ اسیجائی چیلنج مون تروک ءِ۔ واپار، اقتصادی شونداری و خڑکی اقتصادی کمکاری آن دا گڑتی تیٹی ہم کمتی بریک و چاگڑد گچین مریک۔
