فیصل آباد۔ 24 اپریل (اے پی پی) فیصل آباد چیمبر آف کامرس اینڈ انڈسٹری نا صدر ڈاکٹر خرم طارق، سینئر نائب صدر ڈاکٹر سجاد ارشد و نائب صدر حاجی محمد اسلم بھلی ایرانی صدر ابراہیم رئیسی نا ساڑی آ دورہ ٹی تین پہ تینی واپار ءِ 10 ارب ڈالر اسکان ودفنگ نا عزم انا ستاءِ کریرو پاریر کہ اگہ ہڑتوم آ ملک آتا حکومت آک زرگزرانی پالیسی تیٹی گچینی اتیر تو نئے بیرہ دا ہدف ءِ آسانی اٹ دوئی کننگک بلکن دادے 15 ارب ڈالرا سکان ہم ودفنگ مریک۔ اوپارے کہ دنیا نا غٹ ملک آتا زیات تر واپار ہمسایہ ملک آتیان مریک۔ اویورپی یونین نا ملک آتا ذکر ءِ کرے ہرافتا تین پہ تینی واپار جم واپارنا 65 درسد ءِ۔ اوفک پاریر کہ اگہ سازگار علاقائی زرگزرانی پالیسی جوڑ کننگے تو پاکستان ءِ نئے بیرہ زرگزرانی تنکی تیان کشنگ مریک بلکن اودے زوت آن زوت شون ہلوک ملک آتا صف اٹی ہم اوار کننگ مریک ۔ اوپارے کہ ایران ننا ایلم ہمسایہ ملک ءِ ہراڑآن تعلقداری تے مون آ دننگ ہڑتوم آملک آتا گچین فائدہ غاتیٹی ءِ۔ اوپارے کہ پاکستان و ایران نا نیام اٹ السی کہول آ ہم بے کچ خوشگوار تعلقداری ءِ ولے اوفتیان فائدہ ہرفنگ کن پائیدار زرگزرانی حکمت عملی نا گرج ءِ ہراڑکن ہڑتوم آ حکومت آتے اواری اٹ جہد کروئی مریک۔ اودہشت گردی نا چٹفنگ کن مروک آ معاہدہ غاہم است جمی نا درشانی ءِ کرے وپارے کہ داڑآن نئے بیرہ اسمگلنگ نا خاتمہ مریک بلکن باضابطہ واپار ءِ ہم مون آ دننگ مریک۔
