اسلام آباد۔ 24 اپریل (اے پی پی) ملک انا چندی علاقہ غاتیٹی ترند تہوو ہورہ و گروپ اٹ گڑاس ہند آتیا پِر انا گمان ءِ۔ محکمہ موسمیات نا رداٹ پنچ شنبے نادے آ بلوچستان، خیبرپختونخوا، سویلی پنجاب و بڑزکوسندھ اٹی آندھی/جھکڑ چلینگ و ہورہ وگروک اٹ پِرانا گمان ءِ وخت اس کہ گلگت بلتستان ،کشمیر و کیبی مشی آ علاقہ غاتیٹی جمری مننگ آن بیدس منہ ہند آتیا ترند تہو و ہورہ و گروک اٹ پِرانا گمان ءِ۔ تدوک آ 24 گھنٹہ ٹی ملک انا گیشتر علاقہ غاتیٹی موسم بارُن وخت اس کہ سویلی علاقہ غاتیٹی باسن ئس، نن بڑزکو خیبرپختونخواہ، کشمیر وکیبی آ مشی آ علاقہ غاتیٹی گڑاس ہند آتیا ترند تہو و ہورہ و گروک اٹ پِر مس۔ غٹ آن زیات پِر کشمیر راولاکوٹ 14، کوٹلی 01، مالام جبہ 02 و اسلام آباد (بوکرا) ٹی 02 ملی میٹر پِر ریکارڈ مس۔ داوخت آ ملک اٹی زیات آن زیات درجہ حرارت خیرپور، موہنجوداڑو43، جیکب آباد ، سکھر، روہڑی، لاڑکانہ و شہید بینظیر آباد اٹی 42 ڈگری سینٹی گریڈ ریکارڈ کننگا۔
