اسلام آباد۔ 24 اپریل (اے پی پی) وزارت سمندر پار پاکستانیز و انسانی شونداری نا ذیلی ادارہ ڈائریکٹوریٹ آف ورکرز ایجوکیشن نا ڈائریکٹر رائے محمد اکبر پارینے کہ ننا ادارہ راولپنڈی اسلام آباد نا 350 صنعت آتا 3 لکھ ورکرآتے ریسہ وار تربیت تننگ ءِ، پیشن نا ملک ہنوک آپاکستانی تے فری آف کاسٹ جرمن، عربی، جاپانی و کورین زبان ءِ ہیل تننگ ءِ، آن لائن المی ہیلکاری کورس آ کاریم برجاءِ۔ او چارشنبے نادے آ جی ایٹ اسلام آباد پارک اٹی ڈائریکٹوریٹ آف ورکرز ایجوکیشن (ڈی ڈبلیو ای) و جاپانی ادارہ کماٹونا شریداری اٹ ڈغار ءِ صاف کننگ و سینٹری ورکرآتون یکجہتی نا درشانی دود آن تران کریکہ۔ ڈی ڈبلیوای نا ڈپٹی ڈائریکٹر ایجوکیشن و ٹریننگ حافظ عبدالسمیع و ہڑتوم آ ادارہ غاتا ملازم و سی ڈی اے نا بشخ سینی ٹیشن نا ورکرز دود اٹی ساڑی ئسر۔ ڈائریکٹر ڈی بلیو ای رائے محمد اکبر بشخ ہلوک آتیان تران کرسا پارے کہ سفائی کروک آ کارندہ ننا راج انا بھاز اہم باسک ءُ ہرافتا سوب ننے ساف ستھرا چاگڑد اس ملک و ہر بندغ نا زمواری ءِ کہ سفائی ستھرائی نا خیال ءِ تخے۔
