اسلام آباد۔ 24 اپریل (اے پی پی) کامسٹیک ایکویٹر یونیورسٹی آف سائنس اینڈ ٹیکنالوجی مساکا و حبیب میڈیکل اسکول یوگنڈا نا شریداری اٹ نیورولوجی آ 2 دے ئی سرٹیفکیٹ کورس اس اڈ ہلک۔ کامسٹیک نا کنڈآن جاری بیان نا رداٹ کوآرڈی نیٹر جنرل کامسٹیک پروفیسر ڈاکٹر محمد اقبال چوہدری پارے کہ افریقہ ٹی ہراڑے اعصابی مرض آک نمان ءُ و گیشتر راجی و اقتصادی عوامل نا سوب آن پین پیچیدہ مریرہ داوڑناحالیت آتیٹی طب انا خیال انا فراوانی ٹی نیورولوجی ءِ خاص اہمیت دوئی ءِ، اواعصابی ناجوڑی تا گچین وڑاٹ مقابلہ ءِ کننگ کن خصوصی علم و وسیلہ غاتا گرج آز ورشاغا۔ اوپارے کہ دا کورس انا مسخت ہیلتھ کیئر پروفیشنلز ءِ نیورولوجی ٹی بنداوی مہارت و قابلیت آن آراستہ کننگ ءِ۔ یوگنڈاٹی پاکستان نا ہائی کمشنر محمد حسن وزیر بطور مہمان خاص دود آن تران کرسانیوروکریٹیکل کیئر آ کورس انا منتظمین آتا کوشست آتا ستاءِکرے۔ اوپارے کہ داکورس علم انا ہل و تس، کمک و اختراع کن اسہ پلیٹ فارم اسے نا وڑاٹ کاریم کیک ہرا جان جوڑی ءِ مون تروک چیلنج آتون مون تننگ کن المی ءِ۔ اوپارے کہ پاکستان ویوگنڈا نانیام اٹ سنگتی و کمکاری نا بھلو رشتہ اسے۔
