اسلام آباد۔ 24 اپریل (اے پی پی) لیڈربزنس سمٹ ترانکار آک پارینو کہ پاکستان ءِ طوفانی پِر ونوکاپ نا مون تروک مسنے، داپِر تیان دبئی ہم بچنگتو، امریکہ و یورپ اٹی چاگڑدی بدلی تا سوب آن 680 ارب ڈالر نا زرگزرانی نسخان مس، بیرہ یورپ اٹی دا نسخان 330 ارب ڈالر ئس۔ چاگڑدی بدلی تا سوب آن باسنی نا لہر، نوکاپ، ڈبینگوک آ شار و ساتوی آ پِرک ءُ، پیرس معاہدہ ٹی طے مسوسس کہ ساڑی کہول آن 1.5 درسد درجہ حرارت اٹی ودکی مرے ولے گڑاس شار 4 درسد اسکان درجہ حرارت ودانے، چارشنبے نادے آ لیڈربزنس سمٹ اسلام آباد اٹی تران کرسا چیف بزنس آفیسر پی ٹی سی ایل گروپ ضرار ہاشم خان پارے کہ ہراتم انٹرنیٹ بس تو او پی ٹی سی ایل ءِ زہمی کننگ نا بناءِ کرے۔ 1947 آن 1975 اسکان پی ٹی سی ایل تون اوار غٹ ادارہ غاک شونداری کریرہ۔ 1975 اٹی پوسکن آ صنعتی انقلاب بناکرے۔ ولے پاکستان اٹی سست روی اٹ بدلی بس و 1991 آن پد ترندی اٹ بدلی بسنے۔ مسٹ میکو صنعتی انقلاب اٹی تعلیم بدلی ٹی اہم انگا ئس، پاکستان 80 دہائی ٹی پدی سلیس۔ اینو پاکستان مشکل انگا دور آن گدرینگ انگ ءِ۔
