اسلام آباد۔ 24 اپریل (اے پی پی) بنجائی وزیر کانود و انصاف سینیٹر اعظم نذیرتارڑ تون جہانی پارلیمنٹرین کانگریس(آئی پی سی) نا ڈل چارشنبے نادے آ داڑے اوڑدہی کرینے۔ وزارت کانود نا کنڈآن جاری پریس ریلیز نا رداٹ ڈل آئی پی سی نا صدر عبدالرحیم مایانا کماشی ٹی بنجائی وزیراوڑدہی کرے، ڈل اٹی سیکرٹری جنرل ستارہ ایاز، اسسٹنٹ سیکرٹری جنرل اجلال علی خان و ڈپٹی اسپیکر اردن ئسک ہم اوار …
بنجائی وزیر کانود و انصاف سینیٹر اعظم نذیر تارڑ تون جہانی پارلیمنٹرین کانگریس (آئی پی سی) نا ڈل انا اوڑدہی
گیشتریں ھال
اسلام آباد۔ 24 اپریل (اے پی پی) بنجائی وزیر کانود و انصاف سینیٹر اعظم نذیرتارڑ تون جہانی پارلیمنٹرین کانگریس(آئی پی سی) نا ڈل چارشنبے نادے آ داڑے اوڑدہی کرینے۔ وزارت کانود نا کنڈآن جاری پریس ریلیز نا رداٹ ڈل آئی پی سی نا صدر عبدالرحیم مایانا کماشی ٹی بنجائی وزیراوڑدہی کرے، ڈل اٹی سیکرٹری جنرل ستارہ ایاز، اسسٹنٹ سیکرٹری جنرل اجلال علی خان و ڈپٹی اسپیکر اردن ئسک ہم اوار ئسر۔ اوڑدہی ٹی آئی پی سی نا ڈل وزیرکانود ءِ تنظیم نا کاریم و مشن نا بارواٹی معلومدار کرساپارے کہ آئی پی سی اسہ جہانی پلیٹ فارم اسے ہرا جہانی و علاقائی چیلنج آتون تین پہ تینی کمکاری اتون مون تننگ کن مچ آ دنیا غان قومی پارلیمان تا انفرادی باسک آتے متحد کیک۔ ڈل آئی پی سی نا انسانی حق کمیٹی تا ٹہیفنگ آہم گپ وتران کرے۔ بنجائی وزیر اعظم نذیر تارڑ آئی پی سی نا رکنیت اٹی ودکی و مچ آ دنیا نا پارلیمان ناباسک آتا تین پہ تینی دودوربیدہ ئی ہن و برتے مون آدننگ نا کوشست و انسانی حق انا بابت اہم ویل آتےا یسر کننگ اٹ تنظیم نا کڑد انا ستاءِ کرے۔ بنجائی وزیر ءِ آئی پی سی نا صدر نا کنڈآن داوخت آ روڈ سیفٹی آ اسہ رپورٹ اس ہم پیش کننگا۔
