وزیراعظم شہباز شریف نا قائد نا مزار آ حاضری، پھل شاغا و دعاپاتیاکرے

کراچی۔ 24 اپریل (اے پی پی) وزیراعظم محمد شہباز شریف چارشنبے نادے آ بابائے قوم قائد اعظم محمد علی جناح نامزار آ حاضری تس و دعاپاتیاکرے ۔ داوخت آ گورنر سندھ کامران ٹیسوری ، وزیراعلیٰ سندھ سید مراد علی شاہ و بنجائی وزیر آک ہم وزیراعظم تون اوار ئسر۔ وزیراعظم مزار آ پھل شاغا و مہمان تا کتاب اٹی تاثرآتے نوشتہ کرے۔ وزارت عظمیٰ نا منصب ءِ سنبھالنگ آن پد وزیراعظم نا کراچی نا دا اولیکو دورہ ءِ۔ داوخت آ وزیراعظم چندی بشخ آتیٹی نمان کارکڑد نشان تروک آ ورناتیان قائد نا مزار آ پاکستان نا خذمت ءِ کننگ وملک خداداد نا شونداری ٹی تینا کڑد ءِ ادا کننگ نا سوغند ہلک۔ ورنامار و مسنک قول کریر کہ پاکستان ءِ سہی وڑاٹ قائد نا پاکستان جوڑ کینہ۔ وزیراعظم پارے کہ پاکستان ناجوڑ کننگ اٹ ورناتا اہم ءُ کڑد اس ئس۔ ورناک تحریک پاکستان اٹ ہراول دستہ نا کڑد ءِ ادا کریر۔ داکان مست وزیراعظم محمد شہباز شریف اسہ دے ئی دورہ غا کراچی آ سرمس تو گورنر سندھ کامران خان ٹیسوری و وزیراعلیٰ سندھ سید مراد علی شاہ اودے بخیرکریر۔