اسلام آباد۔ 23 اپریل (اے پی پی) بنجائی وزیر کانود و انصاف سینیٹر اعظم نذیر تارڑ و اٹارنی جنرل منصور عثمان اعوان تون پاکستان ٹیکس بار ایسوسی ایشن نا صدر و سیکرٹری اوڑدہی کرینو۔ وزارت کانود و انصاف نا کنڈآن سے شنبے نادے آ داڑے جاری اوعلامیہ نا رداٹ اوڑدہی نا وخت آ ایسوی ایشن نا کنڈآن وزیراعظم نا خصوصی چکار وپارت آتا رداٹ ٹیکس اصلاحات آ زور شاغاو دابابت ٹیکس اصلاحات و کانود سازی نا بابت سلاہ ہم پیش کریر۔ وزیرکانود پاکستان ٹیکس بار ایسوسی ایشن نا سلاہ تا ستاءِ کرے و است جمی نا درشانی ءِ کرے۔ ٹیکس بار وزیرکانود و اٹارنی جنرل تون ٹیکس باڈی ءِ پت اٹ ہلنگ آ منت واری نا درشانی ءِ ہم کرے۔
