لاہور۔ 23 اپریل (اے پی پی) ایران نا صدر ابراہیم رئیسی پارینے کہ پاکستان و ایران نا نیام اٹ تاریخی، تہذیبی ، مذہبی و دودوربیدہ ئی تعلقداری ءِ و ہڑتوم آملک آک علم وکسب نا پوسکن آ مرکز و علم و فن نا مون آ دننگ نا خواہندار ءُ۔ گورنمنٹ کالج یونیورسٹی لاہور نا فیکلٹی و طالبعلم آتیان تران کرسا ایران نا صدر پارے کہ قوم تا برادری ٹی نمان ہند اس دوئی کننگ کن علم وکسب، سائنس و ٹیکنالوجی آ خاص چکار کننگ وخت انا اہم گرج ءِ۔ اوپارے کہ ننا یونیورسٹیک علم و پٹ وپول نا مرکزآک ءُ و تعلیم نا بشخ اٹی مربوط حکمت عملی آن گچین نتیجہ دوئی کننگ مریک۔ اومستی پارے کہ شاعر مشرق علامہ اقبال نا کلام ءِ ایران اٹ خصوصی پذیرائی دوئی ءِ۔ ایران نا صدر ابراہیم رئیسی پارے کہ فلسطین نا بابت پاکستان و ایران نا موقف اسٹ ءِ۔ ایران نا صدر پارے کہ پاکستان و ایران نا نیام اٹ توانائی تون اوار ایلو بشخ آتیٹی کمکاری ءِ آخبت اٹ پین ودفنگک۔ اوپاکستان اٹ تینا دورہ ٹی مہمانداری وخاطر داری نا ہم ستاءِ کرے۔
