شاری تے آئین و کانود نا رداٹ دوئی آسراتی تیان روگردانی آخا، بے گوا بندغ آتا ویل انا سیاسی ایسراس ہم کشوئی مریک، سینیٹر اعظم نذیر تارڑ

اسلام آباد۔ 23 اپریل (اے پی پی) بنجائی وزیر کانود و انصاف سینیٹر اعظم نذیر تارڑ پارینے کہ پاکستان دہشت گردی نا برخلاف جنگ اٹی بے پناہ قربانی تسنے، تدوک آ چار دہائی آن ملک مشکل آتون مون تس، بے گوا بندغ آتا باندات داخہ آسان اف، دانا بھاز انگا جہت آک ءُ، داویل انا کانودی ایسرتون اوار اوار غٹ شریدار آتے تولفسا اسہ سیاسی ایسر اس ہم کشوئی مریک۔ پاکستان نا آئین و کانود شاری تے ہر آسراتی تے ایتک اوفتیان ہچ ءُ روگردانی اس اف و بایدے مفئے ہم  انتئے کہ دا اوفتا حق  ءِ، بے گوا بندغ آتا بابت حکومت مستین اٹ کاریم کرے و اسہ پارلیمانی کمیٹی اس جوڑ کرے، دہشت گردی نا گواچی مروک آ شہید آتا خاہوت آتا ہم گڑتیک ءُ، بے گوا بندغ آتا 8 ہزار نا خڑک کیس آک ایسرمسنو، بے گواہ بندغ آتا ویل ءِ ایسر کننگ اٹ حکومت نا سنجیدگی اٹ ہچ ءُ کمتی اس بتنے، سوشل میڈیا، شرہ، اشتافی، عدالتی پرمان تیان دا ویل نن ءُ ہی نن ایسر مننگ کپک، داڑآ داسہ ہم بھاز کاریم نا گرج ءِ، غٹ شریدار آتا سلابت اٹ دااہم ویل ءِ ایسر کننگک۔ بنجائی وزیر کانود وانصاف سینیٹر اعظم نذیر تارڑ سے شنبے آ بنجائی وزیر حوالکاری و شینکاری عطاء اللہ تارڑ تون اوار پریس کانفرنس آن تران کرسا مسنگ پرسن تا بابت پارے کہ دا ویل بھلو وخت اسے آن سیاسی، کانود و عسکری حلقہ غاتیٹی اسہ حساس ءُ وی اس تکنگک و داڑ اہیت وگپ، تنقید کننگک و داڑآ توار ہم بڑز کننگ انگ ءِ۔