بیجنگ۔ 23اپریل (اے پی پی) چین اٹی پاکستان نا سفیر خلیل ہاشمی صوبہ شان ڈونگ نا جاری اورینٹیشن دورہ نا وخت آ لینئی شار انا دورہ ءِ کرے و میونسپل راہشون آتون اوڑدہی ٹی گپ وتران کرے۔ اولینئی ٹی واپار و زرکاری سمپوزیم آن تران کرے و چندی کاروباری ادارہ اے فیلڈ وزٹ ہم کرے۔ پاکستانی سفیر میونسپل سرکڑدہ غاتون تینا اوڑدہی تیٹی پاکستان و لینئی شار انا نیام اٹ واپار و زرکاری نا کمکاری، بی 2 بی تبادلہ، تعلیم و الس نا نیام اٹ تعلقداری تے پین سوگو کننگ نا سلاہ تیا گپ وتران کریر۔ داوخت آ پاکستانی سفیر ءِ سٹی پلاننگ ہال انا شاری شونداری نا حکمت عملی تا بارواٹی حوال تننگا۔ پاکستانی سفیر لینئی میونسپل گورنمنٹ و ایلو محکمہ غاتا کنڈآن پاکستان ٹریڈ اینڈ انویسٹمنٹ سمپوزیم آن تران کرسا بشخ ہلوک آتے پاکستان اٹ زرکاری نا پالیسی، آسودہی و ادارہ جاتی مخ تفی نا بارواٹی معلومدار کرے، ہراٹی خصوصی اقتصادی زون و ایلو سہولت کاری نا اسکیمک ہم اوار ءُ۔ اواقتصادی کمکاری ءِ سوگو کننگ آ ودکی گپ وتران ہم کرے۔ اولینئی ٹریڈ سٹی ہولڈنگ گروپ کمپنی لمیٹڈ تون 2016 ٹی بناکروک ٹریڈ سٹی پروجیکٹ نا کمک اٹ گوادر و پاکستان کن بی 2بی سرجزآتا مخ تفی ٹی اونا اہم کڑد آ گپ وتران کرے ۔ اوایلو پنی آ کاروباری ادارہ غاتا ہم دورہ ءِ کرے۔ داوخت آ اودے شار انا ہول سیل مارکیٹ و تقسیم نا مرکز آتا بارواٹی حوال تننگا۔
