چیئرمین یوتھ پروگرام رانا مشہود احمدخان نا ڈپٹی گورنر سٹیٹ بینک سلیم اللہ تون اوڑدہی

اسلام آباد۔ 23 اپریل (اے پی پی) چیئرمین یوتھ پروگرام رانا مشہود احمد خان سٹیٹ بینک  انا ڈپٹی گورنر سلیم اللہ تون اوڑدہی کرے و ورناتے مالی کمکاری نا کمک اٹ واکدار کننگ و اوفتے گچین زرگزرانی وارخواہی فراوان کننگ نا بابت گپ وتران کننگا۔ چیئرمین رانا مشہود پارے کہ ورناچین ءِ زیات آن زیات مالی وڑاٹ وتواجہ و خودکفیل کرسا روشنا آخبت نا کنڈآ دننگ المی ءِ۔ اوڑدہی ٹی پرائم منسٹر یوتھ بزنس اینڈ ایگریکلچر لون اسکیم نا رداٹ ورناتیکن مالیاتی خذمت اسکان رسینگ ءِ ودفنگ کن حکمت عملی تیا سجفنگا۔ رانا مشہود پارے کہ ورناتا پورو لائخی تے کاریم اٹ اتسا ملک انا شونداری و شونہالی ٹی اوفتا کڑد ءِ پک کننگے۔ یوتھ پروگرام نا چیئرمین سٹیٹ بینک اتون اواری اٹ  کاریم کننگ کن عزم انا درشانی ءِ کرے  تانکہ مچ آملک انا ورناتے شونداری و واکدار کننگ نا پبی گام گیج آتے پک کننگ مرے۔ یوتھ پروگرام نا چیئرمین و سٹیٹ بینک آف پاکستان نا ڈپٹی گورنر نا نیام اٹ تعمیری گپ وتران آخبت نا شریدار و گام گیج کن اسہ امیت افزا بنداو اس تخانے۔ ڈپٹی گورنر اسٹیٹ بینک پارے کہ ورناتے ملک انا اقتصادی شونداری ٹی اوار کننگ و پاکستان نا زرگزران ءِ سوگو کننگ اٹ تین پہ تینی کمک بے کچ المی ءِ۔